U Ualle Paghjòne
Duje pizze de strate parallèle
nghjudene nu ualle kuatrate
andò s’affacciavene vasce kase
k’i facce janghe è stanzune ‘na frèke
grusse, ke kammere fatte de kartune
pressate, andò i kafune tenèvene
appure ciucce, kane è musciarille
pekkè nen mangavene i suracille
ka, i chjù d’i vóte, nd i matarazze chjìne
de frònne de granedinje s’ammucciavene.
I lamje nu munne avete èvene
è avasciate èvene da nu sòttatitte
de tavele ciòtte andò i kafune
ce mettèvene ‘a paghje p’i nnemale
ka tenèvene dind’a kase ò i fuffele
sikke ka da fuke facèvene nda virne
è, p’i famighje nummeròse, facève
da kammarèlle p’i fighje maskule.
D’a trasute d’a chjazzètte Brune stace
nu pertòne sènza pòrte ke sòpe n’arke
ke nu kuatre de Gesekriste andò
i ciaramellare, d’a Bbruzze venute,
p’a nuvèle d’a Makulate è d’u Natale
sunavene Tu scinne d’è ucchje d’u cile
è ‘a pasturale, ka dòcedòce i krestjane
ascetavene pe jì a chjìse a dì grazjune.
Sòp’ò mure ò’ late ka vace vèrze
‘a vìjanòve ‘na nicchje k’a Madònne
stace andò i famighje d’u luke
s’arrjunèvene pe dì u Sande resarje
tutte i sère. D’a vanne d’a vìjanòve
se trasève anghjananne trè gradìne
de prète è de frònde a’ trasute ce stace
n’arke tunne tunne k’assemèghje
‘a gròtte de Betlèmme andò i krjature
pazzjavene ke kuille kè ‘a nature
arrjalave: èreve, petruccèlle, tèrre,
paghje è palle fatte k’i kavezètte
de lane spurtusate è chjìne de cènge.
I kase d’ò late d’a vìjanòve tènene
nu kurtighje andò de tutte ce stève:
areve de civeze è de fike, addòre
p’a kucine è purcelluzze. ‘A mesèrje
facève da patròne, ma nesciune
maje se lagnave pekkè ne nge se pòde
lagnà kòndre u cile si l’akkue nen ascènne,
appèrò tanda umanetà ce stève
ka parève de kambà nda ‘na gròssa
famigghje allaregate. Mò sarrà p’u buke
Facebook
WhatsApp
Email